Unha vez máis aquí estamos, dispostos a embarcarnos
nesta aventura, que para nós será a
oitava.
Este ano, con algunha
modificación nas bases, volveremos ter como compañeiros de viaxe a
Valencia-Castellón,
Alacant e
Catalunya. Ademais volve ao concurso
Aragón e incórporase por primeira vez
Valladolid.
A temática este ano xirará en torno a un tema de actualidade,
A Educación (quizais para o ano que vén teñamos que suxerir outro: "
A corrupción política no Mundo Antigo, que haber tamén a había, e seguro que poderíamos atopar algúns
Exempla de utilidade ante a triste realidade cotiá coa que nos enfrontamos)
Dende o
MGB temos apuntados os seguintes equipos:
4º de ESO:
- ARRE & SO
- VICTORIUM
- AZUL
- PIXOSCOOTER
1º BACHARELATO
- HIC ET NUNC
- FACIES IRATA (isto creo que vai por min...)
- TUXTAX
- NESCIO
- GALLAECIA QUALITAS
2º BACHARELATO
- NIKE
- COGITO ERGO SUM
- INTELLIGENTIBUS PAUCA
Tal e como fixemos o ano pasado, o xoves 7 de febreiro, día do preguntón, os alumnos "
Clásicos" do MGB e o seu
magister pasaremos toda a mañá entre a Biblioteca (este ano con
novos ordenadores) e a sala de informática. Será unha actividade máis, apoiada pola vicedirección do centro e incluída na programación. Esperamos repetir a intensidade, emoción e nervios da edición anterior (e creo que coas novas fichaxes deste ano non vai ser difícil...!)
Desta vez xogaremos en dous concursos simultáneos, posto que imos facer tamén unha clasificación interna, na que levarán
premio os 2 primeiros clasificados do noso Centro (caixa grande e caixa mediana respectivamente).
pd: o Concurso conta con
páxina propia na Galipedia, elaborada dentro do proxecto
DivesGallaecia 2012.
