Pasaron xa uns cantos anos dende "2OOO anos por correo", e volvemos embarcarnos nun novo proxecto de agrupación de Centros, do que forma parte o IES Manuel García Barros da Estrada, o IES 9 d’OCTUBRE de Carlet (Valencia) e o IES Sáenz de Buruaga de Mérida.
O noso traballo consistirá filmar e documentar unha serie de pezas romanas (en principio 10) dos museos de Galicia e elaborar réplicas a partir da súa impresión en 3D, co obxecto de crear un museo escolar para que todos os alumnos poidan coñecer e respectar o seu patrimonio cultural.
O proxecto inclúe tamén viaxes a Sagunt e a Mérida, que terán lugar ao longo deste curso (en abril estaremos nos Ludi Saguntini!) e do que vén.
De momento os profes estamos dando os primeiros pasos no mundo da fotogrametría, como alumnos nun curso en liña, e aínda que xa van saído as cousas, quédanos moito por aprender. Neste vídeo, que é a miña segunda peza modelada en 3d, podemos ver ás "Marías" compostelanas, coas que nos topábamos de rapaces todos os días "al salir de clase". O modelo está feito a partir de fotos tomadas co móvil, polo que o marxe de mellora e grande.
No hay comentarios:
Publicar un comentario