Este é o título do traballo que acaba de ser seleccionado polo MEC, dentro da súa convocatoria de axudas para o establecemento de "Agrupaciones de centros educativos para la realización y puesta en marcha de proyectos comunes" (BOE 6 de junio de 2007), dotado con 7.000 euros e cunha duración de dous anos.
Nesta aventura que hoxe iniciamos estamos presentes os seguintes centros:
- IES Santiago Apóstol de Almendralejo (Badajoz)
- IES Violant de Casalduch de Benicássim (Castellón)
- IES Cendrassos de Figueres (Girona)
- IES Manuel García Barros da Estrada (Pontevedra)
Serán dous anos de traballo en común, entre nós e cos nosos alumnos. Estudiaremos a pegada da romanización en Hispania dende a óptica de catro personaxes representativos dos variados aspectos da civilización romana.
Popilia Rectina, Zosimvs, Lucius Minicivs Natalis e Antonivs Aqvilvs Novagvstanus, abrirán para nós o veo que cobre o pasado e con eles viaxaremos 2.000 anos atrás para saber máis da época en que viviron e poder compartir eses coñecementos entre todos os participantes do proxecto. Nace así "Dos Mil Años Por Correo", e a modo de papyrus, calamus e atramentum, xa está en funcionamento un novo blog, unha nova wiki e unha nova aula virtual, as nosas ferramentas do século XXI.
A edición local de Deza-Tabeirós da Voz de Galicia recolle hoxe a noticia na súa edición dixital.
Podes consultar o proxecto enteiro dende aquí.
