Un grupo de profesores tivemos onte unha reunión en Santiago co Sr. Pereira, director do grupo de traballo de latín para as probas de selectividade deste ano 2007, dentro dunha serie de xuntanzas que se están levando a cabo nas catro provincias galegas.
É de agradecer, polo tanto, que despois de tantos anos de sermos ignorados, por fin se nos teña en conta á hora de elaborar o contido e formato desta proba.
En liñas xerais pódese dicir que as modificacións do programa tiveron boa acollida polo profesorado, en concreto a acotación de temas de literatura e textos de traducción. Houbo varias suxerencias respecto á edición destes textos, pedindo que consten sempre os nomes propios en nota ao pé, ou que se manteña a grafía v en vez de u. Despois de todos estes anos nos que sufrimos erros de todo tipo (mesmo repetición de textos) non podemos menos que sorprendernos (agradablemente) por todas estas atencións.
No que toca á elección de autores para traducción, semella que se van manter Eutropio e Floro. O sr. Pereira avoga por que un grupo de profesores elabore unha antoloxía de textos de varios autores mediante un ano sabático (sic). Nós nos preguntamos cal é o cometido do seu "grupo de traballo", que, por certo, insinúa que vai renovar ...
Por fin foi desvelada a razón pola que a lista de topónimos rematase no "s". Polo visto foi un erro informático. Preguntado o sr. Pereira por que motivo non volve a enviar o arquivo correcto, deixanos outra vez na dúbida existencial. Quizais para o vindeiro ano se poida desvelar este misterio. De tódolos xeitos prométenos que os topónimos que van caer serán ós máis fáciles e que o exercicio vai ser do tipo que figura no modelo de exame.
Promete tamén que non vai preguntar nada de mitoloxía (pois entón non sei para que o menciona nas súas "novas orientacións").
En canto ao da romanización da Gallaecia aclara que só se van preguntar cuestións referidas á arqueoloxía ou á Historia.
Faiselle saber, xa ao final da reunión, que o cambio de coordinador e as novas orientacións das probas debéronse facer antes do comezo do curso, e non en novembro coas programacións xa feitas.
pd: en qué consistirá o traballo do "grupo de traballo"?
Onte, no Salón Teatro de Santiago, tivo lugar a estrea mundial de Memento mori, a última curtametraxe de Artekille, ou sexa, Marisa Otero, compañeira de galego e colaboradora en varios dos proxectos de Dives Gallaecia.
