27/2/07

Os latinismos na prensa

Traballando cos alumnos na listaxe de latinismos para as PAAU 2007 moitas veces ocorre que, aínda que saben o que significa determinado aforismo latino, non o saben empregar no contexto axeitado. Na páxina do departamento de latín e grego do MGB pódese atopar unha galería de imaxes dos latinismos na prensa , onde se recollen noticias máis ou menos actuais que inclúen moitos deles, como a que ilustra esta entrada, onde a universidade escocesa de St. Andrews honra a Dylan como doctor honoris causa. Ofrece tamén XII exercicios diferentes para poder traballar o uso e significado dos mesmos.