12/6/07

Nova maqueta virtual de Roma

Na próxima visita que fagamos a Roma quizais poderemos ver xa este proxecto de recreación virtual por ordenador que mostrará aos turistas a evolución da cidade dende as cabanas do Palatino ata o saqueo da cidade no século V.
O responsable do mesmo é Bernard Frischer, da universidade de Virxinia (EEUU).
Esta maqueta virtual será reproducida en dispositivos manuais por satélite ou en películas en 3 dimensións proxectadas nunha sala de nova creación ao carón do Coliseo, tal e como publica na súa edición dixital o diario El País.