26/9/07

DANOS COLATERAIS NA VIA XVIII (VIA NOVA)

Tal e como publica A voz de Galicia na súa edición de hoxe, o tramo mellor conservado da Via XVIII segundo o Itinerario de Antonino, máis coñecida como Via Nova, que partía de Bracara Augusta (Braga) con destino a Asturica Augusta (Astorga), internándose polas terras de Valdeorras, foi vítima das máquinas que abriron unha pista de poco máis dun kilómetro entre dous pobos do concello ourensán de Bande.
Pero a cousa ten delito, xa que resulta que tal pista non era necesaria, alomenos con ese trazado, e ademais pasaba unha carreteira e outra pista ao lado.
Non só iso, senón que a que era alcaldesa cando se fixeron as obras, ¡pide agora a declaración da via Nova como patrimonio da Humanidade!
Sorpresa a que se debeu levar o arqueólogo que preparaba unha excursión á zona por mor dun congreso no mes de outubro sobre as excavacións no campamento romano próximo de Aquis Querquennis.
Descarga esta noticia en versión *.pdf