9/12/08

PaulatimGallaecia

Como complemento á nova sección da WiChiron que anunciabamos na entrada anterior, concibida como un repositorio documental, nace agora PaulatimGallaecia, unha wiki-taller onde poderemos construír entre todos os recursos necesarios para a preparación das probas de latín da Selectividade galega (PAAU).
Así se explica o seu nome, "Paulatim", pouco a pouco, paseniño, de vagar.
Guiados pola man do centauro temos á nosa disposición unha nova ferramenta para o traballo colectivo.
Quere ser este un espazo de todos e para todos os profesores de latín que queiran participar na elaboración de materiales de calidade para os nosos alumnos.
Debemos cambiar a nosa forma de traballar. Nun mundo cada vez máis 2.0, con moitos recursos á nosa disposición, cada vez ten menos sentido o traballo individual, illado.
Agora estamos estragando as posibilidades que ofrece a nosa intellixencia colectiva. Non podemos seguir cada un no seu antrum, elaborando listas de topónimos ou latinismos, traducindo ao galego as pasaxes de lectura, confeccionando temas de literatura, et cetera.
Demasiado traballo para un só profesor. Temos que unirnos e traballar todos xuntos neste proxecto.
Paso a paso, de vagar, paulatim.
Os beneficiados seremos todos. Os profesores, porque facer todo este traballo, cando a penas existen materiais en galego, é unha tarefa demasiado grande para unha soa persoa. Os nosos alumnos, porque ao fin e ao cabo, son eles os que recibirán o froito desta iniciativa.
Participar é moi sinxelo. Só hai que entrar en http://paulatimgallaecia.wikispaces.com, e xa poderemos editar calquera páxina.
Aínda así recomendo a todo o mundo que se rexistre en wikispaces: é gratuíto e só leva un par de minutos. Ao entrar como usuario rexistrado pódese subir arquivos ao sitio e sempre deixaremos o noso nome no historial de cambios. Facilitaremos tamén a tarea de vixiancia fronte ao posible vandalismo ao administrador do sitio. É moi recomendable tamén poñer un pequeno resumo cando fagamos unha modificación (na parte inferior da pantalla de edición aparece unha pequena caixa para facelo).
O armazón está feito. Só queda poñer o noso gran de area e ir completando todos os apartados. Traballemos entre todos, traballemos xuntos.
Paulatim.


2 comentarios:

Ana dijo...

Enhorabuena por la iniciativa, Álvaro, seguro que va a ser de mucha utilidad para los compañeros gallegos.
Coincido totalmente en tu reflexión de que hay que cambiar el modo de trabajo, que tiene que ser colaborativo, porque enriquece, porque todos aprendemos, porque ahorra tiempo, porque los resultados son de mayor calidad, porque es más divertido, porque nos sentimos más respaldados, porque no tiene sentido desaprovechar los recursos que ofrece la red, porque podemos llegar más lejos, porque las dudas se resuelven, porque nadie es poseedor de la verdad absoluta y mucho menos los profesores, porque nuestros alumnos disfrutan viéndonos aprender ... En realidad, una vez que se prueba, es imposible pensar en una manera distinta de trabajar. (Casi me ha quedado de manifiesto, perdón por la verborrea).

Álvaro P. Vilariño dijo...

No sólo me siento identificado con tu verborrea, sino que ahora mismo la copio y la pego en la página inicial de la wiki..!!!