14/1/09

De wiki con Eutropio en PaulatimGallaecia

Esta semana estamos de wiki nas aulas de latín de 2º de Bacharelato do MGB.
Cando empezaba a explicar o tema das formas nominais do verbo, participios e infinitivos, foi cando se me ocurriu.
A idea sería unha vez máis ir do particular ao xeral, da práctica á teoría. Non perderse na gramática. Elixir, atopar os nosos propios exemplos. Encaixar as pezas, traballar en grupo, axudarnos uns a outros como clase. Un proxecto común. Unha ferramenta 2.0.
Así que pouco a pouco, paulatim, fun poñendo aos meus alumnos a traballar na wiki PaulatimGallaecia.
Este é o plan de traballo:



Traballando con Eutropio


Nesta sección faremos unha recopilación de extractos do texto dese autor, clasificándoos segundo o esquema proposto, e ilustrando así os apuntes da gramática latina.

Eutropio
Propónse que sexan os propios alumnos os que colaboren nesta sección.
Utiliza o seguinte formato:
  • negriña para o texto latino
  • paréntese para ubicar o texto no libro e capítulo
  • cursiva para a tradución ao galego
Exemplo:
Dimissis exercitibus (Liber VI, 19). Licenciado o seu exército, despois de licenciar ao seu exército.
  • Usa o símbolo (...) para indicar a elisión de parte do texto:
Exemplo:
Rediens ex Gallia victor (...). (Liber VI, 19). No seu regreso dende a Galia coma vencedor / regresando vencedor dende a Galia (...)

¿Alguén máis se anima a participar? Podedes seguir o xa empezado cos vosos alumnos.
Nós estamos fundamentalmente co libro VI.
Recordade que facilita moito a labor de control e coordinación o feito de rexistrarse (Join in) en wikispaces antes de empezar a traballar. É gratuíto e faise nun minuto.

Paulatim, paseniño.

3 comentarios:

Ana dijo...

Me parece una idea genial: los estudiantes aprenden, que es de lo que se trata, y su trabajo sirve a otros. ¿Se puede pedir algo más? Enhorabuena por la iniciativa, gran maestre 2.0.

Anónimo dijo...

Hola

Tengo un problema grande con una cuestión de Latín que me gustaría tratar más detalladamente, podrías facilitarme una dirección de E-Mail donde pueda contactar contigo? Gracias y enhorabuena por la página

Álvaro P. Vilariño dijo...

Dime tu correo y tu nombre y veremos lo que se puede hacer...