A Odisea 2013 no MGB

As musas non foron propicias para os equipos do MGB que participaron na Odisea 2013. Ás veces os despistes, escribir ou ler mal a pregunta e cousas polo estilo, fixeron que ningún dos equipos do noso centro acadase a máxima puntuación que daba paso ao desempate en Galicia. Sen dúbida algúns o merecían.
Aínda así, a experiencia pagou a pena e xa estamos preparados para a seguinte viaxe, sendo, coma sempre, un pouco máis sabios ao final do camiño.
Esta foi a nosa "clasificación interna". Noraboa a tod@s, especialmente aos que puxeron o máximo de ilusión e esforzo. Mañá venres faremos a entrega de premios no 2º recreo, na sala de usos múltiples. Non faltedes, xa que é de supoñer a "xenerosidade" dos dous equipos gañadores...

Esta foi a reseña que saiu na edición local da Voz de Galicia o vernes 8 de febreiro. Nela estamos todos na Biblioteca, preparando o temible "Preguntón"...