16/1/10

Ponderacións para a Selectividade de 2010

Dog normas Selectividade 2010
Este luns sairon publicadas no DOG as normas que regulan a Selectividade deste ano 2010, onde están incluídas as famosas ponderacións, o que nos levaría a engadir un sexto punto á listaxe das máis sonadas chapuzas educativas (deixando para o sétimo o famoso novo decreto do plurilingüismo, do que falaremos a próxima semana).

A Ciug tomou como punto de partida uns criterios baseados na lexislación anterior (materias vinculadas e non vinculadas ás vías), e que levaron a disparates tales como os que detallamos máis abaixo.

Xa falamos aquí a principios de curso das accións levadas a cabo por SEECGalicia para intentar atallar esta desfeita, pero desgrazadamente non hai nada que facer ata o ano que vén.

E seguindo a vella máxima dos "Facta, non verba", pasamos a describir algunhas das consecuencias desta auténtica chapuza:

  1. Para facer Filoloxía Clásica contará máis ter cursado Historia da Arte (0,2) que Grego (0,1)
  2. Para Filosofía é mellor cursar Matemáticas, Bioloxía, Física ou Química (0,2) que Grego.
  3. Para o novo grao de Humanidades o mesmo que no punto anterior.
  4. Para obter o grao en Tradución e Interpretación, tamén contarán máis que o Grego as materias citadas anteriormente. Ou o Debuxo artístico, que tamén conta 0,2 polo 0,1 do grego. O que vén a dicir que se temos algún problema cunha lingua estranxeira, sempre podemos facer un debuxiño...
  5. E por último, algo que cambiou con respecto á documentación enviada pola Ciug anteriormente. Na carreira de Dereito as asignaturas que máis peso teñen (0,2) son, naturalmente, Bioloxía e Física, por diante lo latín (0,1).
Que un dos principais legados da Civilización latina sexa precisamente o Dereito, e que inmumerables térmos xurídicos de uso cotiá se manteñan vivos en latín non lles debeu parecer suficiente aos "sabios" encargados desta normativa.

pd: agora que o penso a terminoloxía científica internacional para a Bioloxía tamén está en latín, e en latín escribiron moitos dos máis afamados Físicos...



2 comentarios:

Ana Ovando dijo...

Lamento ver que la tendencia de menosprecio a las clásicas por parte de la universidad está presente en otros lugares.
Sin embargo, hay que explicar muy bien a los chavales que ese 0,1/0,2 solamente se suma completo en el caso de sacar un 10 en la materia, por lo que no es tan importante en la media final y no ha de condicionarles a la hora de decidir las optativas que elige en bachillerato. Lo realmente importante es la media de bachillerato y ahí sí que vale la pena que cursen materias que pueden completar su formación y que pueden resultarles interesantes, como el latín y por supuesto el griego. Ya que la universidad no parece comprender el peso de las clásicas, tendremos que compensarlo en bachillerato.

Álvaro P. Vilariño dijo...

Gracias Ana por las puntualizaciones.
De todas maneras no podemos ceder un ápice en la defensa de las Clásicas. Aunque sea más una cuestión de principios que otra cosa, debemos presionar e intentar que para el curso siguiente esto no suceda, de lo contrario nuestras asignaturas serán devaluadas cada vez más en los planes de estudios. Se empieza por una cosa y ya sabemos como se acaba...